Tibbiyot va Jarrohlik bo‘yicha Bakalavr

Tibbiyot va Jarrohlik bo‘yicha Bakalavr (MBBS- Bachelor of Medicine, Bachelor of Surgery)

Acharya universitetining Tibbiyot va Jarrohlik bo‘yicha Bakalavr dasturi (MBBS) tibbiyot sohasida yuqori sifatli ta’lim olishni istagan talabalar uchun maxsus ishlab chiqilgan. Ushbu xalqaro darajadagi dastur talabalarga tibbiyot sohasida yetuk bilim va ko‘nikmalarni shakllantirishga, shuningdek, Hindiston va boshqa davlatlarda muvaffaqiyatli shifokor bo‘lishga yo‘l ochib beradi. MBBS dasturi sifatli ta’lim, madaniy almashuv va xalqaro e’tirofni birlashtirgan holda, sifatli tibbiy yordam ko‘rsata oladigan, halol va fidoyi shifokorlarni tayyorlashni maqsad qiladi.

O‘QUV REJASINING ASOSIY YO‘NALISHLARI

• Talabalar tibbiyot fanlari bo‘yicha, jumladan Anatomiya, Fiziologiya, Biokimyo, Farmakologiya, Mikrobiologiya, Patologiya va boshqa fanlar bo‘yicha chuqur bilim olishadi.
• Teoretik bilimlar amaliy ko‘nikmalar bilan uyg‘unlashgan holda, holatlarni tahlil qilishga asoslangan ta’lim, interaktiv seminarlar va guruh muhokamalari orqali o‘rgatiladi.
• Talabalar insonparvar va bemorlar ehtiyojiga yo‘naltirilgan tibbiy yordam ko‘rsatishga o‘rgatiladi.
• O‘quv dasturi tibbiyot etikasiga, professionallikka va sog‘liqni saqlash me’yorlariga alohida e’tibor qaratadi.
• Talabalar ilmiy tadqiqotlarga jalb qilinib, turli tadqiqot imkoniyatlaridan foydalanish imkoniyatiga ega bo‘lishadi.
• Dastur Hindiston Tibbiyot Kengashi (MCI - Medical Council of India) talablariga moslashtirilgan bo‘lib, talabalarni MCI sertifikatsiya imtihoniga tayyorlaydi.
• Dastur yakunida bir yillik amaliyot talabalarni amaliy ko‘nikmalar bilan to‘liq ta’minlaydi.

Dastur davomiyligi: 4.5 yil o‘qish + 1 yil amaliyot - MBBS